トゥックイ小(ぐわ)

●我ったー 家庭ぬなりゆちや 夫大工やいびいしが ●取ゆる手間小や 一日に 四五六十貫取てぃをしが ●うぬ手間小 やむる酒代 酒屋奉公どぅそーいびる ●かんせー家庭 やむたらんむん 今日どぅん 酒飲でぃ来いどんせ ●我んねーただや 合点さん よーそき 来ゅうる時でーむん ◆主や酒飲で 酔いとーしが バーチや家ねー 居らんがや ◆いぇーバーチー いぇーくま開きれー 主や今どぅ戻ゆしが ●言るぐとぅするぐどぅ 酔いとさやー ◆酒飲め酔いゆる たみしるやる ●今日や我親ぬ六十一 御祝儀御祝ん あたといびさ ●今日ぬ祝儀代や ちゃーさびが 貴男や 祝儀代借てぃもーち ◆前手間百貫 借てぃあたしが 前手間借やい戻る道 ◆酒飲み連中 はい行逢てぃ 店屋小にひりくまてぃ ◆うぬ銭さあい 酒うち飲でぃ 土産までぃ我んねー 持ちちゃんでー ●あんせー祝儀代や ちゃーさびが ◆今日ぬ祝儀代や ぬびゆんてー ●祝儀代 ぬびゆる人ぬ居み ◆我んから始みてぃ ぬびゆんてー ●酒にふちりてぃ 酔いふりてぃ 義理恥ねーらん ゆむ男とぅ ●いちぐいち迄 ままならりみ 我んねー今日をてぃ 出ぢゅさとー ◆夫ぬ酒小 飲らんでぃち ごう口 ひゃー口する女 ◆妻ねーさんぐとぅ 出ぢてぃ行き ●出ぢてぃ行ちゅさー かふうしどー ◆たとい妻や 居らんてぃん 妻やか愛さる徳利小 ◆汝とぅ我んとー よー徳利 いちぐいち迄 儘ならやー