川平節(かびらぶし)

◆んぞが面影に 引かさりてぃ我身や ◆笠に顔隠ち 忍でぃ行ちゅんスリ ◆笠に顔隠ち 忍でぃちゃさ我身や ◆御門に出じみそり 思い語らスリ ●一期里連りてぃ 遊ばていしちん ●花ぬ身ぬ慣れや 自由やならんスリ ◆花ぬ身ぬ慣れぬ 自由ならんうちゅみ ◆繰返しんぞよ 肝に染みりスリ ●繰返し返し 思りわん里前 ●我がやなやびらん 他所にいもりスリ ◆他所とぅ語らりる 思いやてぃからや ◆ぬんでぃ焦りとぅてぃ 我身や泣ちゅがスリ ●何んでぃ焦りとぅてぃ 泣ちみせが里前 ●節ゆ待ちみそり 後ぬ浮世スリ ◆んぞが言ゅる事に 節待たなやしが ◆むしか先ならば 我身やちゃすがスリ ●むしか先なてぃん 里一人やなさん ●連りてぃ行かりゆる 手段あむぬスリ ◆連りてぃ行かゆいか とぅてぃんくま居とてぃ ◆共に計らやい急じぶさぬ ●先じ待てぃ! ●命捨てぃみせる たきゆまたやりば ●御恥かさあてぃん 御側なりらスリ ◆●天ぬ御助きか 神ぬひちゃわしか ◆んぞ連りてぃ 宿に戻る嬉さスリ