意見あやぐ

凡す世間の 産し子ね達 銭金儲きて 荒使にさんぐと 小しく使みそり 荒使にしいね 泉ぬ水んひなゆるたみし 例い僅かぬ 銭やてん 一日に五十貯みてん 百日五貫 塵ん積むれー 山ほど重なて 大福なゆさ 油断と貧乏や けー隣い 働男と富貴ぬ神や 腹ぬ兄弟ど 稼ぐに追いつく 貧賎ぬ神や 世間に 無ーやびらん 産し子ぬ栄いや村栄い 村々里々栄て 行きわる御国ん栄る 家庭円満 和睦にそうて 御栄いみそり 銭や此の世ぬ回り物 玉黄金産子や 御天ぬ授き物 やくと人ぬ達 富貴貧賎や 坂ぬ下り上い 馬や乗りわど知らりゆる 人ぬ心や 肝から心から ひらてど 知らりゆる やくと人ぬ達 今ぬ世間のぅ 悪欲持たらんど