おばぁ

貴方のーてぃ我かい ぴらでぃてぃまいにゃーだな 我ぬぅ一人置つぎー 先りーぴずがてぃ 冷りーぴずおじぃが顔ゆ撫でぃ おばぁが目から 涙ぬ落てぃーぴず いつぬ時んまい 二人まーつき 今日がみ歩きー来てぃ のーてぃがー 家ぬうまかま 貴方が香ざ 未だ残りうー のーてぃ 貴方すなーし 先りぴずがー 貴方が植びたーブーギまい 見守りうたー畑まい つかないうたー 馬まい山羊まい 貴方がみーだか のーばしすーでぃが起きる 起きてぃ我が顔ゆ見い 笑いふぃーる おじぃがみーんふなりから 馬まい山羊まい 売う゛ぁれーぴりー うぬ家んなおばぁが他んな 誰まいみーんふなりー 夜なずちか一人 夕飯ゆ喰うー事ぬ あてぃ淋すかーば 毎日泣きうたー 汝が作ふ 魚ぬ塩煮ぬ 一番んまむぬてぃ 洒小飲んしゃーな 笑いうたーくとぅ 昨日ぬ事んだかり 思ず出れーきし 「いくらまい煮いふぃーでぃ 貴方が戻り 来うでぃやてぃかー」 アアアーア～ アアアーア～ アアアーア～ア～ア～ アアアーア～ アアアーア～ アアアーア～ア～ア～ 日数やまた過ぎぴりー 涼す南風ぬ吹きーきしば おばぁや 曲がりーぴず 腰ゆ持たぎ始み 子供達 孫達 我が見守りいかだかならんてぃ 今日まい 嬉すきなり笑いーうー おばぁ ぷじ 今からまい 元気かりうーてぃ いつがみまい いつがみまい 長生きゆしーふぃーさまち