家(ヤー)からバス停がみ

家からバス停がみ 一人し ぶらぶらてぃ歩き?す 平良んぴす?たー 母ちゃんぬ迎いがてぃ 平良からぬ土産や今日や 何ゆが買いきし ふぃーす?がーら あーてぃっか プカラスムヌ タンナフクル菓子がま 看板まい時刻表まい 何まい無ん そーき?すーてぃぬ 所やすが 与儀家具店ぬ看板ぬどぅ 目印がまんどぅなりうーば 平良とぅ上野ぬ間小 カザンミ停留所 野原ぬブンタまい 近ふがまん見いれーうー 平良んぴす?たー母ちゃん 早がり戻り来んべや 我達んかいぬ土産ゆ 右手んまい 左手んまい 持つかにてぃ 抱いしゃーな 家からバス停がみ 一人し ぶらぶらてぃ歩き?す 平良んぴす?たー我たが 母ちゃん迎い来うでぃ 自転車小ん乗りうー 西にゃーぬおじぃ 朽歯ゆ見し笑いうー ナフサ道ぬ 隅小んな猫小ぬ 我ぬ見いつき座じゅう 母ちゃんゆ乗したバスや 待ちどぅうーすが 未だどぅ来ん 畑んかいぴす?たー おじぃまい 家んかいてぃどぅ 戻りぴす? んなぴっつぁがま 待ちうーちか 来すどぅすすぱず 母ちゃんゆ乗したバスや 我が勘ないつまい 大概当たす?どぅすすむぬ うぬダンプカー 小ぬ過ぎぴりば 後小から来すどぅすすぱず くーや!見いれーたーさ 母ちゃんゆ乗したバスぬ 平良んぴす?たー母ちゃん やっとぅがま 戻り来たんどー 我達んかいぬ土産ゆ 右手んまい 左手んまい 持つかにてぃ 抱いしゃーな 袋小を見いみーるば 平良ぬ商店ぬ かばす香じゃ んじが母ちゃん 袋小や半分 我が持たでぃやば バス停から家がみ 母ちゃんとぅ二人 後小ゆめーげー見いるば 長々ぬ影ぬ二つ 家からバス停がみ 一人し ぶらぶらてぃ歩き?す 平良んぴす?たー我たが 母ちゃん迎い来うでぃ