大和ぬ風(やまとぅぬかじ)

"ハイ、タバコ吹きゃ! 貴方タバコを吹かだか まず んざぬが痛んがぁ" 大和んきタバコを吹き゜習い クキーク島んかい 戻り来たー我かい 母ちゃんが どぅあーし゜ゅーたー事 今どぅーら 思す゜出れー "母ちゃん! 我や大和んき さーち働き 銭ぬ儲き来うじゃばやい" 大口ばたたき 旅んかいてぃ 出でぃぴす゜たーすがどぅ んぞーさ銭なにゃーだな 明日まい見いれん 暮らすゆしゅーたー 何ぬ為んが 我や島を出でぃ来たーがーら 銭ぬにゃだか 心ぬ底がみ寒しむぬ 我がどぅかんしうーてぃや 思いまいみーんだら 母ちゃん やぐみ子を どぅ産しゅーき゜てぃ ぷじ笑いふぃーる 大和ぬ風や寒しむぬどー コートぬにゃーだか 死なっでぃどぅうー "ハイ 君 まーんてぃや くまぬ家ぬ子あらんやば ずー我とぅまーつき行かでぃ" アラブぬ石油王がどぅ 寝っう゛ゅう我が 枕ぬ横らん来すてぃ プールつきぬ大邸宅んかい さーりー行かれす゜ 夢小を見いたー "ぴるますむぬ アラブ人ぬどぅ 宮古口うあーし゜ゅーてぃや うりぇ のーてぃぬばーがーら" かんし思うた時んどぅ ビシ゜ャッてぃ夢から目覚り "汝死んがみ 働かだなならんどー" 神ぬ声ぬ聞かれーたー アイロンぬ一つやーつ かきつぁーまい知さん まかす゜道具ぬ一つ すずみれーん すきゃーりアパートぬ部屋ん 一人座し゜ぃ 自分が道ゆ めーげー見い ただういがまし負きれーでぃが 貴方が子やむぬ我や 貴方が子 "ハイ貴方 盆月んな 島んかい口ばし 向いのーす゜ ゆしーるよー マイフカ" 銭まい線香まいにゃーん我かい 電話ゆしーふぃーたー 母ちゃん アパートぬ階段うーてぃ 島んかい口ばし 手ゆかみたー 立てぃ味噌がもうまい飲み 自分が島ぬ事うまい ぴょうすんな思す゜出しよー 自分し作たー味噌ゆ ならんてぃすすけー 送りふぃーたー母ちゃん あすがどぅガス代 まい払いうらんやば ういが飲まれーでぃが あんしゅーてぃまい あてぃやーすかいば 冷水んかい味噌う入し゜ ぐずぐずてぃ 飲みみーるばどぅ 涙や出でぃ 母ちゃん 冷立てぃ味噌やすが うわが香ざ しーどぅーど すまんど まーんてぃ 味噌や水んな溶きん 貴方がめ まんてぃぬ プリムヌてぃ んな一回 我ぬぅ いし゜ふぃーる 生まり島ぬ海む思い出し 貴方が子やむぬ我や 貴方が子